سږکال څه باندې څلور زره آب‌رېزې جوړېږي

content_admin
شنبه ۱۴۰۰/۴/۲۶ - ۱۶:۵۷
سږکال څه باندې څلور زره آب‌رېزې جوړېږي

۲۶چنګاښ۱۴۰۰
دکرنې، اوبولګولو او مالدارۍ وزارت د روان کال په ترڅ کې څلور زره او اووه آب‌رېزې جوړوي.
دغه کوچني آب‎رېزې د کندز، کندهار، کونړ، ننگرهار، پروان، کاپیسا، بغلان او تخار په ولايتونو کې جوړېږي، چې رغنيزې چارې يې ۴۵سلنه بشپړ شوي دي.
د آب‌رېزو جوړول د ځمکې لاندې اوبو د کچې په لوړولو، د خاورې او اوبه په مصرف کې صرفه‌جویي، د هوا دککړتيا ټيټوالی او د طبيعي ځنګلونو او طبي بوټو په بيارغونه کې رغنده رول لري.
دغه راز د روان کال په ترڅ کې د لوگر، کونړ، خوست، ننگرهار، لغمان او میدان وردګو ولايتونو په ۴۵ جريبه ځمکه کې د څاڅکي اوبوخور سيسټمونه هم نښلول کېږي.
د څاڅکي اوبوخور سيسټم د موضعي اوبولګولو له سيسټومونو څخه ده، چې د قطره‌چکان په نوم له يوې آلې اوبه په لږ فشار سره د بوټو رېښو ته رسېږي. د اوبولګولو په دې لارو چارو سره اوبه ورو د بوټو رېښو ته ځان رسوي او د اوبو د سپما او د حاصل زياتوالي لامل کېږي.
په همدې حال کې د ننګرهار او جوزجان په ولايتونو کې د اوبو د ښه مديريت او کرنيزو ځمکو خوندي کولو په پار يوزر او ۲۰۰متره استنادي دېوالونه جوړېږي، چې رغنيزې چارې يې ۴۵سلنه بشپړ شوي دي.
دغه راز سږکال د کندهار، بامیان، پکتیا، کاپیسا، سمنگان او جوزجان په ولايتونو کې ۸۴ګبيوني ودانۍ هم جوړېږي، چې رغنيزې چارې يې ۳۵سلنه بشپړ شوي دي.
دکرنې، اوبولګولو او مالدارۍ وزارت د کمي او کيفي له اړخه د بڼوالۍ او کرنيزو محصولاتو د توليداتو دکچې لوړوالی په پار دهېواد په کچه د اوبولګولو شبکې، د اوبولګولو فرعي کانالونه، آب‌رېزې، داوبو زېرمې، د څاڅکي اوبوخور سيسټمونه، گیبیوني ودانۍ او استنادي دېوالونه جوړ، احیا او بيارغوي.

تازه ترین اخبار

چهارشنبه ۱۴۰۴/۴/۱۱ - ۱۵:۳۸
Background image

د بلخ چمتال ولسوالی کې یوشمېر بڼوالو سره د کرنیزو توکو مرسته وشوه

۱۱ چنګاښ ۱۴۰۴ ه‍.ش
۶ مُحَرَّمُ الحَرام ۱۴۴۷ه‍.ق
د بلخ ولایت د کرنې، اوبولګولو او مالدارۍ ریاست په هڅو، د پاملرنې مؤسسې په همکارۍ ددې ولایت د چمتال ولسوالی ۱۲۴ بڼوالو سره دکرنیزو توکو او. . .

چهارشنبه ۱۴۰۴/۴/۱۱ - ۱۴:۹
Background image

د بلخ دوو ولسوالیو کې لسګونو بزګرانو سره د کرنیزو توکو مرسته وشوه

۱۱ غبرګولی ۱۴۰۴ ه‍.ش
۴ ذُو الحِجَّةِ ۱۴۴۶ه‍.ق
د بلخ ولایت د کرنې، اوبولګولو او مالدارۍ ریاست په هڅو، د پاملرنې مؤسسې په همکارۍ ددې ولایت د بلخ او نهرشاهي ولسوالیو لسګونو بزګرانو سره. . .

چهارشنبه ۱۴۰۴/۴/۱۱ - ۱۱:۳۳
Background image

د میدان وردګو ولایت نرخ ولسوالی کې د کچالو صفر انرژۍ زېرمتونونو رغنیز بهیر وڅارل شو

۱۱ چنګاښ ۱۴۰۴ ه‍.ش
۶ مُحَرَّمُ الحَرام ۱۴۴۷ه‍.ق
د میدان وردګو ولایت د کرنې، اوبو لګولو او مالدارۍ ریاست د پلان مدیر او د ریاست سلاکار په مشرۍ یو پلاوی د میدان وردګو ولایت د نرخ ولسوالی. . .

بازگشت