زیانمنو مالدارانو سره د مرستې په پار د کرنې وزارت او هالند کمېټې ترمنځ هوکړه لیک لاسلیک شو

mail-admin
یکشنبه ۱۴۰۰/۲/۱۹ - ۱۳:۱۸
زیانمنو مالدارانو سره د مرستې په پار د کرنې وزارت او هالند کمېټې ترمنځ هوکړه لیک لاسلیک شو

۱۹ غویی ۱۴۰۰
دکرنې، اوبولګولو او مالدارۍ وزارت او د هالند کمېټې ترمنځ، زیانمنو مالدارانو سره د مرستې په پار هوکړه لیک لاسلیک شو. دا هوکړه لیک نن د کرنې، اوبولګولو او مالدارۍ وزیر ډاکټر انوارالحق احدي او افغانستان لپاره د هالند کمېټې DCA اجرایي مشر ډاکټر ریمونډ بریسکو له خوا لاسلیک شو.
ډاکټر انوارالحق احدي وایي، چې ددې هوکړه لیک پر بنسټ زیانمنو مالدارانو په ځانګړې توګه هغو کوچي مالدارانو سره چې د کرونا وبا له وجې زیانمن شوي دي، د۱۵۴ میلیونه افغانیو په ارزښت مرسته کېږي. ښاغلی احدي زیاته کړه، چې دا پیسې د کرنې د پراختیا نړیوال صندوق «IFAD» له خوا تمویلېږي.
د کرنې وزیر په ټکو ددې مرستې له لارې د هېواد په یوشمېر سیمو کې پر مالدارانو زر مټریک ټنه د څارویو خوراکي توکي وېشل کېږي او د څاریو ۱۵ نوي کلینیکونه هم جوړېږي.
دکرنې، اوبولګولو اومالدارۍ وزیر وویل، که څه هم دا لګښت د پام وړ لګښت نه دی، خو د مالدارانو پر وضعیت به مثبتې اغېزې ولري.
انوارالحق احدي دغه راز وویل دکرنې وزارت هلې ځلې کوي، چې په هېواد کې د مالدارۍ د وضعیت ښه کولو په پار ستره برنامه په لاره واچوي. هغه وویل، چې د مالدارۍ په برخه کې د «NHLP» پروژې په څېر د یوې پروژې په لاره اچولو لپاره کار روان دی او د تمویل لپاره یې د اسیایي پراختیایي بانک سره هوکړه شوې ده.
په همدې حال کې د کوچیانو د چارو د همغږۍ کمېټې رییس حبیب الرحمان؛ زیانمنو مالدارانو په ځانګړې توګه مالدارو کوچیانو سره د کرنې وزارت او هالند کمېټې مرستو څخه د خوښي ترڅنګ وویل، کوچیان هغه پرګنې دي، چې تر ټولو زیات اغېزمن کېږي. هغه زیاته کړه، چې دکرنې وزارت د کوچیانو وضعیت او شرایطو په پار لازم مالومات او اطلاعات لري، په همدې موخه هغه تمه لري، چې کوچیانو لپاره چوپړتیاوې زیات شي.
دغه راز په افغانستان کې د هالند کمېټې اجرایي مشر ډاکټر ریمونډ بریسکو وایي، چې زیانمنو مالدارانو سره د مرستې دا برنامه په ګډه ددې کمېټې او د کرنې وزارت اړوند د «کلپ» پروژې له خوا پر مخ وړل کېږي. ښاغلی بریسکو وویل، چې د کرونا وبا پر ټولو صنایعو او کارونو اغېزې کړي دي، خو مالداران او په لرو پروتو سیمو کې بېوزلې کورنۍ یې ډېر زیانمن کړي دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت