د کرنې وزارت د ویاند د هرات د زعفرانو د کیفیت د کنټرول لابراتوار څخه لیدنه
۲۸ لړم ۱۴۰۴ هـ.ش
۲۸ جُمَادَى الأول ۱۴۴۷ هـ.ق
د کرنې، اوبو لګولو او مالدارۍ وزارت د اطلاعاتو او عامه پوهاوی رییس او ویاند مولوی شیرمحمد حاتمی، هرات ولایت ته دخپل سفر په ترڅ کې کې د زعفرانو د کیفیت د کنټرول لابراتوار څخه لیدنه وکړه.
د لیدنې پر مهال د کرنې وزارت ویاند د یاد لابراتوار بېلابېلې برخې وکتل، چې د لابراتوار کارکوونکو له لوري ورته د فعالیتونو او د کار د څرنګوالي په اړه لازم معلومات وړاندې شول.
د لابراتوار مدیر حمیدالله محمدي وویل، چې په دغه مرکز کې اصلي او جعلي، کورنی او بهرنی زعفران ارزول کېږي او د کیفیت کچه یې تشخیصېږي. نوموړي زیاته کړه چې هره ورځ لس نمونې د تحلیل او ارزونې لپاره اخیستل کېږي.
د کرنې وزارت ویاند د زعفرانو د کیفیت د لوړولو او د کورنیو تولیدوونکو د ملاتړ پر اهمیت ټینګار وکړ او ویېویل، چې د محصول د معیارونو لوړوالی کولای شي د زعفرانو په صادراتو او د کروندګرو په عاید کې د پام وړ زیاتوالی راولي.
