د کرنیزو زون‌بندۍ د پروژې له چارواکو سره د کرنې وزیرغونډه

mail-admin
چهارشنبه ۱۳۹۹/۱۰/۱۰ - ۱۳:۵۴
نشست وزیر زراعت با مسوولان پروژه‌ی زون‌بندی زراعتی

۱۰ مرغومې ۱۳۹۹
د کرنې وزارت د بېلابېلو برخو له چارواکو سره د غونډو د لړۍ په دوام، داځل د کرنیزو زون‌بندۍ د پروژې چارواکو د کرنې، ابولګولو او مالدارۍ وزیر ډاکټر انوارالحق احدي سره غونډه وکړه.
د کرنیزو زون‌بندۍ پروژه د کرنې وزارت د احصایې ریاست تر چتر لاندې فعالیت لري او پلي کوونکی یې د ملګرو ملتونو د خوړو او کرنې اداره «FAO» ده. ددې پروژې مالي ملاتړ کوونکی اروپایې ټولنه ده. دیادې پروژې چارې په ۲۰۱۷ام کال کې پیل شوې او لومړی پړاو یې د ۲۰۲۱ام کال د اګست ترمیاشتې پورې ادامه لري.
ډاکټر انوارالحق احدي سره ددې پروژې د چارواکو په غونډه کې، د یادې پروژې د چارواکو له خوا ددې پروژې د کړنو په هکله د کرنې وزیر ته مالومات وړاندې شوه.
ددې پروژې مدیر اسحاق صافی، د یادې پروژې د کړنو، پلانونو، لاسته راوړنو او راتلونکو برنامو په هکله د کرنې وزیر ته مالومات وړاندې کړه.
ښاغلی صافی وویل، چې د کرنیزو زون‌بندۍ پروژه په څو برخو له ډلې، کرنیز زون‌بندۍ، د وړتیاوو لوړول، د کرنیزو سناریوګانو جوړول او د بوټو د څارنې او ارزونې (د کښت له پیل تر حاصل ټولولو پورې) په برخو کې خپلې چارې او فعالیتونه تنظیم کړي دي.
هغه وویل، تر دې دمه چې ددې پروژې له خوا کومې کړنې تر سره شوي دي، په کې د کرنیزو زون‌بندۍ د اطلس چمتو کول او چاپول او د وړتیاولوړلو په برخه کې د بنسټیزو فعالیتونو پلي کول شامل دي.
دغه راز په دې غونډه کې، د کرنې، اوبولګولو او مالدارۍ وزیر ډاکټر انوارالحق احدي ددې پروژې له کړنو څخه د مننې ترڅنګ دیادې پروژې د چارو د ښه والي په موخه خپل نظرونه او لارښوونې ددې پروژې چارواکوته وړاندې کړه.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت