د هېواد په ځينو ولايتونو کې د تېرې شپې زلزلې له امله د زيانمنو شويو هېوادوالو په اړه د کرني ابولګولو او مالدارۍ وزارت د خواشينۍ پيغام
د کرنی وزارت سرپرست الحاج مولوی عبدالرحمن راشد په پکتيکا، خوست او ځینو نورو ولايتونو کې د تېرې شپې زلزلې له امله هېوادوالو ته د اوښتو زيانونو په اړه ژوره خواشيني څرګندوي. شهيدانو ته جنت الفردوس، قريبانو ته يې جميل صبر او زخميانو ته له الله ج څخه عاجله شفاء غواړي. د کرنی وزارت وزیر، دکرنی وزارت ټولو مرکزي او ولایتي رئیسانو ته امر کړئ، چې د امکان په صورت کي د پېښو ځايونو ته ژر ځان ورسوي؛ له ټولو شته امکاناتو کار واخلي؛ د زيانمنو شويو هېوادوالو ژوند وژغوري او هر ډول لازمې مرستې ورسره وکړي.
