د ننګرهار مرستیال والي افغانستان لپاره د ملګروملتونو د خوړو او کرنې ادارې استازی سره وکتل

user-admin
یکشنبه ۱۴۰۲/۱۲/۲۸ - ۲۰:۵۳
د ننګرهار مرستیال والي افغانستان لپاره د ملګروملتونو د خوړو او کرنې ادارې استازی سره وکتل


۲۸ کب ۱۴۰۱ه‍.ش
۲۶ شَعبان المُعَظّم ۱۴۴۴ ه‍.ق
د ننګرهار مرستيال والي مولوي محمد رباني ناصح افغانستان لپاره د ملګروملتونو د خوړو او کرنې ادارې استازي «FAO»  ادارې استازی ريچارډ ټرينچرډ سره په دې ولايت کې د کرنې او اوبو لګولو سکتور پياوړتيا په موخه وليدل.
د يادې ليدنې پر مهال د ننګرهار مرستيال والي افغانستان لپاره د ملګروملتونو د خوړو او کرنې ادارې استازي «FAO» ادارې د د کړنو ستاينه وکړه او غوښتنه يې وکړه، چې رامنځته شوي امن او فرصت ته په کتنې دې تر پخوا زيات کار وشي.
نوموړي په دې ولايت کې د بندونو، کانالونو، ويالو او سربندونو جوړولو، کاريزونو ترميم او بزګرانو ته د کوکنارو بديل ورکړې په برخه کې وړانديزونه وکړل.
د ولایت مرستيال وويل، چې ننګرهار ښه اوبه او هوا، کافي کرنيزې ځمکې، پريمانه اوبه او ښه بشري ځواک لري بايد د بشري مرستو ترڅنګ کرنيز سکتور ته لازمه پاملرنه وشي.
د ننګرهار کرنې رییس مولوي عبدالستار محمد د دې ولايت د کرنې، اوبولګولو او مالدارۍ برخه کې د شته فرصتونو او ستونزو په اړه معلومات وړاندې کړل او د کرنې او اوبولګولو برخه کې يې يو شمېر وړانديزونه شریک کړل.
د ولايت مقام کارپوه اکبر شېر غوښتنه وکړه، ترڅو د يو ښار او توليد تر سرليک لاندې کرنې ته پاملرنه وشي او په دې ولايت کې دولس د کرنې مسلکي لېسو، د کرنې پوهنځي او کرنې دوو انيسټيټوټونو سره د څېړنو په برخه کې همکاري وشي.
افغانستان لپاره د ملګروملتونو د خوړو او کرنې ادارې استازي «FAO» ادارې استازی  ننګرهار له مرستیال والي مننه وکړه، چې دوی ته د کار کولو ښه فرصت رامنځته کړی او تل ور سره همکاري کوي.
نوموړي وويل، چې ختيځو ولايتونو ته يې له سفر څخه موخه مسئولینو او بزګرانو سره له نږدې ليدل دي، ترڅو د کرنې او اوبو لګولو برخه کې ستونزې او اړتياوې معلومې کړي او په ياده برخه کې لازمې پروژې پلې کړي.
د ملګرو ملتونو د خوړو او کرنې ادارې دې استازي وويل، چې سږکال به د بشري مرستو په پرتله انکشافي پروژې زياتي شي، چې له مخې به يې د مسئولینو وړانديزونو او د خلکو لومړيتوب ته په کتنې پروژې پلې شي.

تازه ترین اخبار

سه‌شنبه ۱۴۰۵/۸/۲۶ - ۱۵:۵۹
Background image

ننګرهار کې ۳۰۰ بزګرانو ته د غنمو اصلاح شوي تخم، کیمیاوي سرې او کرنیز وسایل ووېشل شول

۲۶ لړم ۱۴۰۵ هـ.ش
۶ جُمَادَى الثانی ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په هڅو، د بشري خیریه مؤسسې په تخنیکي همکارۍ او د «کورډیډ» مؤسسې په مالي ملاتړ، د دغه ولایت په. . .

سه‌شنبه ۱۴۰۵/۸/۲۶ - ۱۴:۵۶
Background image

د هېواد په ۳۴ ولایتونو کې د غنمو ۶۱۴ ننداریزې کروندې جوړې او پلې شوې

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د کرنې، اوبولګولو او مالدارۍ وزارت د کرنیزو ترویج عمومي ریاست د غله‌جاتو او صنعتي نباتاتو د پراختیا ریاست د ۱۴۰۵ کال د پراختیایي او ترویجي. . .

سه‌شنبه ۱۴۰۵/۸/۲۶ - ۱۴:۵۳
Background image

د میدان وردګو جلریز ولسوالی په بېلابېلو سیمو کې د کرنیزو او پراختیایي پروژو چارې په چټکۍ روانې دي

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د میدان وردګو ولایت د جلریز ولسوالی په بېلابېلو حوزو کې د همکارې مؤسسې له لوري، د دغه ولایت د کرنې، اوبولګولو او مالدارۍ ریاست په همغږۍ، د. . .

بازگشت