د مالدارۍ ۲۵ شرکتونه د خوندیتوب او خوراکي توکو د کیفیت مدیریت تصدیق لیکونه تر لاسه کړل

mail-admin
دوشنبه ۱۳۹۹/۱۱/۲۰ - ۱۶:۲۶
۲۵ شرکت مالداری گواهی‌نامه مصونیت و مدیریت کیفیت مواد غذایی گرفتند

۲۰ سلواغه ۱۳۹۹
د کرنې، اوبولګولو او مالدارۍ وزارت له خوا د مالدارۍ ۲۵ شرکتونه د خوندیتوب او خوراکي توکو د کیفیت مدیریت تصدیق لیکونه تر لاسه کړل.
په هغه غونډه کې، چې د یادو تصدیق لیکونو د وېش په پار د امریکا متحده ایالاتو نړیوالې ادارې «USAID» د مالدارۍ ځنځیري ارزښت پروژې یا «HACCP&ISO 9001» له خوا جوړه شوې وه د کرنې، اوبولګولو او مالدارۍ وزیر ډاکټر انوارالحق احدي وویل، چې دا تصدیق لیکونه د صادر شویو تولیداتو او محصولاتو د معیاري کولو په پار دي.
ښاغلی احدي د حیواني محصولاتو د معیاري کولو په پار د امریکا متحده ایالاتو نړیوالې پراختیایي ادارې د مالدارۍ ځنځیري ارزښت پروژې څخه د مننې ترڅنګ، ددې پروژې له چارواکو غوښتنه وکړه، چې د حیواني او نباتي لابراټوارونو د تجهیز په برخه کې دکرنې وزارت سره مرستې وکړي.
د کرنې وزیر دغه راز وویل، کوم ۲۵ شرکتونه چې تصدیق لیکونه یې تر لاسه کړي دي، د نورو متشبثینو او پانګوالو د هڅونې په پار کولی شي، چې په نړیواله کچه خپل محصولات صادر کړي. هغه په ورته وخت کې په نړیوالو معیارونو برابر د محصولاتو پر سټنډرډ کولو او په دې برخه کې د وړتیاوو پر لوړولو ټینګار وکړ.
په دې غونډه کې د سوداګرۍ او صنایعو وزارت د معینیت سرپرست عبدالکریم ملکیار، هم د محصولاتو پر معیاري کولو ټینګار وکړ. هغه وویل: «د سوداګرۍ او صنایعو او کرنې وزارتونو ترمنځ سږکال یو هوکړه لیک لاسلیک شو، چې  پر بنسټ یې ټول کرنیز توکي، چې پیاوړي صادراتي پوټانشیل ولري، پېژندل کېږي او روسته پروسس، بسته بندي او پر معیاري کولو یې په ګډه کار کېږي. د ۲۰۲۱ کال تر پایه د اسټنډرکولو په پرخه کې ډېری ستونزې هوارېږي.»
ښاغلی ملکیار دغه راز وویل، چې د سوداګریزو جوازونو د ترلاسه کولو لړۍ کې ډېرې اسانتیاوې رامنځته شوي او اسانه شوی دی او سوداګر کولی شي، چې په څو ساعتونو کې جواز ترلاسه کړي.
په همدې حال کې د مالدارۍ ځنځیري ارزښت او د خوراکي توکو د خوندیتوب د پروژې  «HACCP»رییس احمد ذکریا احمدزی وویل، چې تر دې دمه له ۲۴ شرتونو سره د سوداګرۍ وزارت په همغږۍ مرستې شوي دي، چې د المان، چین او هندوستان په نړیوالو نندارتونونو کې ګډون وکړي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت