د خوړو نړیوالې ادارې د ۲۰۲۱ اجرایي بورډ لومړنۍ غونډه د کرنې وزارت د اوبولګولو او طبیعي سرچینو د مرستیال په ګډون په لاره واچول شوه

mail-admin
پنجشنبه ۱۳۹۹/۱۲/۷ - ۱۳:۱۱
نخستین جلسه‌ی بورد اجرایی سازمان غذایی جهان در ۲۰۲۱ با اشتراک معین آبیاری و منابع طبیعی وزارت زراعت برگزار شد

۷ کب ۱۳۹۹
د خوړو نړیوالې ادارې د اجرایي عمومي بورډ لومړنۍ غونډه د کرنې وزارت د اوبولګولو او طبیعي سرچینو مرستیال حشمت الله غفوري په ګډون سره په ایټالیا کې په لاره واچول شوه.
په دې غونډه کې ښاغلی غفوري د افغانستان د حکومت او کرنې وزارت په استازيتوب ګډون کړی و. په ۲۰۲۱ کې د خوړو نړیوال پروګرام (WFP) د اجرایي بورډ لومړنۍ منظمه غونډه د روان کال د فبروري له ۲۲ تر ۲۴ پورې د ایټالیا پلازمېنې روم په کوربه ټتوب په ډیجیټال بڼه په لاره واچول شوه. یاد اجرایي پلاوې، د خوړو نړیوال پروګرام تر ټولو جګپوړې حکومتي نهاد دی، چې د ملګرو ملتونو یا د خوړو نړیوالې ادارې  ۳۴ غړي هېوادونه په کې شاملې دي، چې د خوړو نړیوال پروګرام فعالیتونو لپاره نظارت، پالیسۍ او بین دولتي ملاتړ برابروي.
په دې غونډه کې د خوړو نړیوال پروګرام (WFP) غړو هېوادونو ترمنځ د نړۍ  او سیمې پر اجمالي ارزونې هر اړخیزې خبرې شوي دي، یاده غونډه کې پر منابعو، مالي سرچینو، بودیجه يي مسایلو، عملیاتي پلانونو، پالیسۍ او دغه راز  بشردوستانه اړتیاوو ته کتنه او پر عملیاتي لومړیتوبونو او ننګونو هر اړخیزې خبرې اترې وشوې. دغه راز په دې غونډه کې د خوړو نړيوال پروګرام د فعالیتونو د ملاتړ په موخه ددې ادارې غړو هېوادونو خپل مالي ملاتړ اعلان کړل.
د خوړو نړیوال پروګرام (WFP) په افغانستان کې خپل فعالیتونه له ۱۹۶۳ کال څخه پیل کړی دی او تر دې دمه د هېواد په کچه خلکو سره بشردوستانه او د خوراکي توکو مرستې برابرې کړي دي. په افغانستان کې د خوړو نړیوال پروګرام فعالیتونه د کار په بدل د خوراکي توکو وېش، د روزنې لپاره خواړه، د کرنې پراختیا، په لرو پرتو سیمو کې ټولو ته معیشت او د خوړو خوندیتوب دي، چې د افغانستان حکومت د خوړو نړیوال پروګرام له یادو بشردوستانه فعالیتونو څخه مننه کوي.
دغه راز د افغانستان حکومت د بشردوستانه مرستې روسنې په برخه کې د خوړو نړیوال پروګرام خپل یو ډېر ښه همکار بولي.

 

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت