د افغانستان د چرګانو روزنې سراسري ټولنه دکرنې وزير ته خپل وړانديزونه وړاندې کړه

content_admin
دوشنبه ۱۳۹۹/۱۱/۲۰ - ۱۰:۲۹
د افغانستان د چرګانو روزنې سراسري ټولنه دکرنې وزير ته خپل وړانديزونه وړاندې کړه

۱۹سلواغه ۱۳۹۹
دکرنې، اوبولګولو او مالدارۍ وزير ډاکټر انوارالحق احدي دخپل کار په دفتر کې، دافغانستان د چرګانو روزنې ملي ټولنې له مشرتابه او يوشمېر غړو سره وکتل. په دې ليدنه کې دچرګانو روزنې د برخې پر پرمختيا او د چرګانو روزنې په برخه کې د کاروبار پر ودې خبرې وشوې.
په پيل کې، دافغانستان د چرگانو روزنې د سراسري ټولنې مشرتابه او غړي د چرګانوروزنې دسکټور ودې او د چرګانو روزونکو د ملاتړ په پار قدرداني وکړه او وروسته ددې سکټور  د ودې او ځان بسياينې په پار د پاملرنې د زياتوالي غوښتونکي شول.
 د افغانسنان دچرګانوروزنې د سراسري ټولنې رييس انصارالله بختانی وويل، چې د هېواد ۸۰ سلنه د چرګانو غوښه اوس د کورنيو توليداتو له لارې او د غوښينو چرګانو فارمونو څخه تامينېږي.
ښاغلی بختاني وويل، چې بايد د چرګانوروزنې سکټور څخه ملاتړ ډېر او په دې برخه کې واردات محدود او تر شرطونو لاندې جوړ شي.
ښاغلی بختاني وويل، اړينه خبره داده چې د کرنې وزارت په ملاتړ د هګيو د توليد په برخه کې وړتياوې زيات شي د چرګوړو پر وارداتو تعرفې لوړې شي تر څو د توليد کورني سيالۍ رامنځته شي. هغه دغه راز وړانديز وکړ چې دکرنې وزارت او ټولنې تر منځ يو تخنيکي بورډ جوړ او دواړو خواوو تر منځ همغږۍ زيات شي.
د افغانستان د چرکانو روزنې ټولنه وړانديز وکړه، چې په ټوله کې د چرګانو محصولاتو واردات بايد د شرايطو او اړتياوو پر اساس وي. دغه راز د افغانستان د چرګانو روزنې د سراسري ټولنې رييس وويل، اړينه ده چې د چرګانو دمحصولاتو پر وارداتو تعرفې بايد لوړې شي او د يادو محصولاتو د قاچاق مخه دې ونيول شي.
وروسته دکرنې، اوبولګولو او مالدارۍ وزير ډاکټر انوارالحق احدي د افغانستان دچرګانو روزنې سراسري ټولنې له خوا پر طرحه شويو مسايلو خبرې وکړې او وويل، چې لومړی د چرګانوروزونکو باید د يوې سروې له لارې د توليد رښتني وړتيا وښيي او دغه راز ددې برخې نيمګړتياوې دې، مشخص شي او د واقعيتونو پر اساس د چرګانو روزنې د ځان بسياينې په برخه کې په معقول ډول کار وکړو ترڅو ځان بسياينې ته نږدې شو.

تازه ترین اخبار

سه‌شنبه ۱۴۰۴/۷/۱۵ - ۱۴:۶
Background image

خوست کې د ګانګو تبې د مخنیوي کمپاین پیل شو

۱۵ تله ۱۴۰۴ هـ.ش
۱۴ رَبِیعُ الْثاني ۱۴۴۷ هـ.ق
د خوست دکرنې، اوبو لګولو او مالدارۍ ریاست له خوا د ګانګو وینې بهېدونکې تبې  ناروغۍ د مخنیوي په موخه کمپاین په رسمي ډول پیل شو.
یاد کمپاین د. . .

سه‌شنبه ۱۴۰۴/۷/۱۵ - ۱۳:۲۳
Background image

کابل کې د کرنیزو او مالدارۍ محصولاتو درې دېرشم نندارتون بریالۍ ترسره شوه 

۱۵ تله ۱۴۰۴ هـ.ش
۱۴ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت له خوا د کرنیزو او مالدارۍ محصولاتو درې دېرشم نندارتون د ۱۴۰۴ هـ.ل کال د تلې له ۹ تر ۱۲مې نېټې پورې، د. . .

سه‌شنبه ۱۴۰۴/۷/۱۵ - ۸:۵۰
Background image

ننګرهار کې پر لسګونو کورنیو د شېدو راټولولو توکي ووېشل شول

۱۴ تله ۱۴۰۴ هـ.ش
۱۳ رَبِیعُ الْثاني ۱۴۴۷ هـ.ق
د ننګرهار دکرنې، اوبو لګولو او مالدارۍ ریاست په هڅو د ډاکار خیریه مؤسسې له لورې ۱۵۰ کورنیو ته د یو میلیون او ۱۲۲ زره افغانیو په لګښت د شېدو. . .

بازگشت