بامیان کې سږ ۳۷۰ زره ټنه کچالو تولیدیږي

mail-admin
شنبه ۱۳۹۸/۷/۱۳ - ۱۸:۴۳
امسال ۳۷۰ هزار تن کچالو در بامیان تولید می‌شود

د بامیانو د کرنې، اوبولګولو او مالدارۍ ریاست چارواکي وایي ارزونې ښیي، چې ټاکل شوې سږکال به له بامیانو څخه ۳۷۰ زره ټنه کچالو راټول شي. د دغو چارواکو په خبره تر دې وړاندې له بامیانو څخه په کلنۍ ډول کابو ۳۵۰ زره مټریک ټنه کچالو په لاس راتلل.

د بامیانو دکرنې، اوبولګولو او مالدارۍ رییس عبدالوهاب محمدي وایي، چې هرکال په ټول بامیان کې په کابو ۱۷ تر ۱۸ زره هکټاره ځمکه کې د کچالو کرکېله کیږي، چې تېر کال هم د کچالو د کرکېلي سیمې (۱۷ تر ۱۸ زره هکټاره ځمکه ) وه، خو له بده مرغه د وچکالۍ او کمې اوبو له امله یې حاصلات لږ څه ټیټ وو؛ په ځانګړې توګه د کال په وروستۍ فصل کې یوشمېر سیمې وچکالۍ وځپل. خو سږ کال اوبه پرېمانه ده، ورښتونه ښه وو او دغه راز د کرنې وزارت حمایتي برنامې هم پلي شوي دي نو دې ته په کتو سږکال د حاصلاتو کچه لوړ ده.»

ښاغلي محمدي وویل، «که څه هم د حاصلاتو د راټولولو فصل تر دې دمه پای ته نده رسېدلې، خو د ارزونې او نښو نښانو له مخې تمه ده، چې د بامیانو د کچالو سږنۍ حاصلات به ۳۷۰ زره ټنه وي.»

د کرنې رییس وایي، چې د کرنې وزارت له خوا بزګرانو لپاره د کچالو لوی او واړه زېرمې جوړول هم د یاد کرنیز محصول د تولید د زیاتوالي لامل شوي دي. هغه زیاته کړه، چې دغه زېرمې هر یوه یې په منځنۍ کچه د ۲۰ ټنه کچالو د ساتنې وړتیا لري. هغه دغه راز وویل، چې دغه زېرمتونونه د بامیانو د ۲۰ سلنه کچالو د ساتنې وړتیا لري او اړتیا ده، چې پاتې ۸۰ سلنه نورو ته هم زېرمتونونه جوړ شي.

د ښاغلي محمدي په خبره اوسمهال د «ملاغلام» په څېړنیز فارم کې پر ۳۶ ډوله کچالوو څېړنې کیږي: «په بامیان کې د کچالو ۱۴ نژادونه د بزګرانو په واک کې دي، چې کرل کیږي. د ملا غلام په څېړنیز فارم کې د کچالو پر ۳۶ ډولونو څېړنې کیږي، چې یو یا دوه کاله وروسته به د کچالو هغه ښه او حاصل خیز ډول چې له چاپریال سره توافق ولري بزګرانو ته به ور وپېژندل شي او تکثیر شي.»

د کرنې وزرات په ملاتړ په وروستیو کلونو کې په بامیانو کې د کچالو کرکېله غوړېدلې او ددې ولایت ډېری بزګران د کچالو کرکېلي او تولید ته مخه کړې.

د بامیانو په دېریو سیمو کې د کچالو کرکېله کیږي، خو د مرکز اړونده سیمې او د یکاولنګ او شیبر ولسوالۍ په بامیانو کې د کچالو د تولید له عمده مرکزونو څخه شمېرل کیږي.

د بامیانو د کرنې، اوبولګولو او مالدارۍ رییس وایي، چې د بامیانو کابو ۹۰ سله کچالو نورو ولایتونو ته صادریږي. د هغه په خبره د بامیانو د کچالو د پلور ستر مرکزونه، د کابل، شمالي او ختیځو ولایتونو مارکېټونه او دغه راز د هېواد مرکز دی.

په بامیانو ولایت کې نږدې ۵۰ زره بزګران د کچالوو په کرکېله او توليد بوخت دي. بامیان په افغانستان کې د کچالوو تر ټولو لوی مرکز دی.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت