هلمند کې د ځمکې د غصب مخنیوی او غصب شویو ځمکو د بېرته را ګرځولو کمېټې کړنې
هلمند کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
د دغو هلو ځلو په دوام د هلمند ولایت د ځمکو د غصب مخنیوي او غصب شویو ځمکو بېرته راګرځولو تخنیکي پلاوي په لارښوونه د ګرمسېر ولسوالی په بېلابیلو سیمو کې د نوو خپلسرو تصرفاتو مخه ونیول شوه.
د غصب د مخنیوي په دې کمپاین کې، د یادي ولسوالی امنیه قومندانۍ او د کرنې ریاست مسئولینو برخه اخیستې وه، چې د ګڼو اشخاصو او افرادو لخوا نوي جوړېدونکي دیوالونه ړنګ او په سیمه کې د هر ډول خپلسرو تصرفاتو په کلکه مخنیوی وشو.
د یادوني وړ ده، چې تر دې وړاندې هم هلمند کې د سلګونه جریبه ځمکي د غصب مخنیوی شوی دی.
