ننګرهار کې د ځمکې غصب او غصب شویو ځمکو بېرته راګرځولو تخنیکي پلاوي کړنې
۲۹ چنګاښ ۱۴۰۲ه.ش
۳ مُحَرَّمُ الحَرام ۱۴۴۵ه.ق
د ننګرهار ولایت د امارتي، سلطاني، مرعي او وقفي ځمکو د غصب مخنیوی او غصب شویو ځمکو بېرته راګرځولو تخنیکي پلاوي ددې ولایت د خوګیانو ولسوالی د قیلغو کلي کې د قیلغو او زاویې د خلکو ترمنځ پر امارتې ځمکو جوړشویو ودانیو، کرنیزو ځمکو لیدنه وکړه .
د ننګرهار د کرنې ادارې او تخنیکي پلاوي رییس مولوي عبدالستار محمد په مشرۍ دغصب مخنیوی تخنیکي پلاوی د خوګیانو د قیلغو، دچمتلي ښارګوټي پر شنو سیمو جوړشویو مارکیټونو، په چمتلي ښارګوټي کې د جماعت دځمکي دغصب په ګډون د غصب اړوند ګڼو نورو مهمو موضوعاتو باندې لنډ بحث او رڼا واچول شوه.
دغه راز د غصب مخنیوي کمیسیون پلاوی پریکړه وکړه، چې د خوګیانو د قیلغو او زاویې ولسي خلکو چې پر کومه ځمکه ادعا لرله چې زموږ شخصي ځمکې دي د کدستري نقشو ترکتلو وروسته یاده سیمه امارتي تثبیت شوي، او ولسي خلکو ته وویل شول چې دافغانستان اسلامي امارت تر نهایې پریکړي پوري هیڅ څوک دتصرف حق نلري.
همدارنګه د کوزکونړ دکاشکوټ ځمکو لیدنه وشوه، چې د کرنې ریاست له لورې په اجاره ورکړل شوې وه خلکو اجاره دار ته دکار اجازه نه ورکوله د کدستري نقشو له مخې سیمه دسیند بستر او امارتي ځمکی ثابتي شوې او دسیمې خلکو ته قناعت ورکړل شو.
