د بوټو ساتنې او قرنطين ریاست:تر وخت تېر خوراکي توکي وسوځول شو
١٥ چنګاښ ۱۴۰۲ه.ش
١٨ ذیالحِجّة ۱۴۴۴ ه.ق
د کرنې وزارت د بوټو ساتنې او قرنطين ریاست چارواکي وايي، چې د کابل هټيو او ګدامونو څخه راټول شوي تر وخت تېر خوراکي توکي وسوځول شول.
د چارواکو په خبره د کابل ښاروالۍ د ښاري خدمتونو لخوا ۳۶۹۵۰ کیلو ګرام خوړنیز توکي لکه تور چای، بیسکوټ،نوشابه باب او داسې نور چې د مصرف وخت یې تېر شوی وو د اړوندې ادارې دکارکوونکو د بررسۍ په جریان کې د ګودامونو، سوپر مارکیټونو او خوراکه پلورنځیو څخه راټول کړی وو وسوځول شول.
په پروسه کې د مختلفو ارګانونو لکه لوی څارنوالۍ، سوداګری وزارت، روغتیا وزارت، دکرنې وزارت، خوړو او درملو اداره، نورم او ستندرد اداره، رسنیو او استخباراتو تستازو حضور درلود.
