ننګرهار کې پر ۱۳ جریبه ځمکه تفریحي پارک او کلېکسون بڼ جوړېږي
د ننګرهار کانال ریاست چارواکي واي، چې د یاد ریاست اړوند «هډې فارم» سیمه کې پر ۱۳ جریبه ځمکه یو تفریحي پارک او کلېکسون بڼ جوړېږي
د ننګرهار د کانال رییس مولوی غلامالرحمن کظیم وایي، چې د دې ولایت اړوند هډې فارم په عبدالخېلو سیمه کې په ۱۳ جریبه ځمکه د یوه تفریحي پارک ترڅنګ، کلېکسون بڼ هم جوړوي.
د نوموړي په وینا، له دې ځمکې په تېرو څلوېښتو کلونو کې هېڅ ډول استفاده نه وه شوې او دوی اوس پارک او کلېکسون ته ځانګړې کړی ده.
د هډې فارم عبدالخېلو بلاک په ۵۲۹ جريبه ځمکې بېلابېل ډوله باغونه جوړ شوي چې پهکې ۳۲۸۷۷ بوټي کېنول شوي او لسګونو کسانو ته پهکې د کار زمينه هم برابره شوې ده.
