لغمان کې د ځمکې غصب او غصب شويو ځمکو بېرته راکرځولو کمېټې غونډه دائره شوه
۹ غبرګولی ۱۴۰۲ه.ش
۱۰ ذو القعدة ۱۴۴۴ ه.ق
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دکرنې رييس مولوی محمد ولي محسن په مشرۍ د لغمان د ښاروالۍ په رياست کې غونډه دائره کړه.
د غونډې په پيل کې د لغمان دکرنې رييس او د کمېټې مشر مولوي محمدولي محسن لارښوونکې وینا ویلو ترڅنګ د تېرې غونډی دپریکړو دتطبیق ارزونه وکړه.
په دې غونډه کې کې تخنیکي پلاوی د لغمان د پوهنې ریاست پورې اړوند د معلمینو رسمي ښارگوټو او دمکتبونو غصب شويو ملکیتونو د غصب څخه دخلاصون په موخه بحث او خبرې وشوې په همدې موخه غونډې ته د پوهنې ریاست تدریسي مرستیال او داملاکو مدیر راغوښتل شوي وو.
ورته مهال د قرغیو ولسوالی اړوند دعبدالرحیمزیو سیمه کې د 600جریبه کرنیزې ا. ځمکې اجاره دار یعنې د نوښت ګر ابراهیمي شرکت مسؤل دعریضې په موضوع بحث وشو چې دلاښه څیړنې لپاره دځمکې مستاجر او عبدالرحیمزیو سیمې څو تنه قومي مشران چې ددې ځمکې د مستاجر د تجارتي پلان دتطبیق مخنیوي کوه غونډې ته غوښتل شوي وو.
دغه راز په دې غونډه کې د شیرزاد په نوم یوتن اجاره دار چې سل جریبه ځمکه یې د درونټې ډنډ کاسې ته څېرمه اخیستې د ګل زمان په نوم شخص یې نه پریږدي چې کښت او کر په کې وکړي د نوموړي اجاره دار په عریضه بحث او خبرې وشوې.
په دې غونډه کې پر یوشمېر نورو اړینو موضوعاتو هم خبرې اترې او لازمې پرېکړې وشوې.
