خوست کې بې وزله کورنیو لپاره کورني باغچې جوړېږي
۲ غبرګولی ۱۴۰۲ه.ش
۳ ذو القعدة ۱۴۴۴ ه.ق
د خوست دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې «FAO» په مالي او د افغانستان لپاره د ناروې کمېټې «NAC» په تخنیکي همکارۍ په دې ولایت کې د سبو کرکیلې پراختیا او د کورنیو باغچو د ترویج په پار ۵۰۰ کورنۍ باغچې جوړوي.
د چاراکو په خبره د دغو کورنیو بڼګیو د جوړولو په پار د مستحقو کورنیو سروې ترسره شوي دي، چې ډېر ژر به پر دوی په کورنیو باغچو کې د کرکیلې په پار د سبو تخمونه او نورو اړوندو توکو دوېش ترڅنګ به دوی ته روزنیز پروګرام هم په لاره واچول شي.
ددغو کورنیو باغچو د جوړولو موخه د بېوزله کورنیو ملاتړ، په دې ولایت کې د کورنیو باغچو ترویج او په ټوله کې د سبو کرکیلې پراختیا لپاره زمینه برابرول دي.
