هلمند کې د سویابینو کرکیلي ترویج په پار هڅې؛ نادعلي کې زرو بزګرو ته سویابین کرل کېږي
۲۸ غویی ۱۴۰۲ه.ش
۲۸ شَوّال المُکَرَّم ۱۴۴۴ ه.ق
د هلمند ولایت د کرنې، اوبولګولو او مالدارۍ ریاست په هلو ځلو، د ارزښت لرونکو نباتاتو د ترویج او تکثیر په موخه ، د «OHW» مؤسسې په مالي همکارۍ، د نادعلي ولسوالی ١٠٠٠ مستحقو بزګرو سروې او انتخاب چارې ترسره شوي دي.
یادو بزګرو ته به د پلان له مخې د سویابینو تخمونه، توره او سپینه سره او همدارنګه د کرنې او روزنې په اړه عامه پوهاوی هم ورکول شي.
د هلمند ولایت د کرنې ریاست هلې ځلي کوي تر څو ددې ولایت بزګرو ته د غیر مشروع نباتاتو پر ځای د نوو ارزښت لرونکو نباتاتو د کرنې او روزنې زمینه برابره کړي تر څو ددوی په کرنیز اقتصاد کې بهبود او نوښت رامنځته شي .
د یادونې وړ ده چې سویابین د کورنیو بازارونو ترڅنګ نړیوال بازار هم لري، چې د هلمند د خاورې، اوبو او هوا سره ښه توافق لري.
