خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
۲۷ غویی ۱۴۰۲ه.ش
۲۷ شَوّال المُکَرَّم ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې غونډې په ځينو مهمو موضوعاتو باندې مفصلې خبرې وشوې.
دغه راز په دې غونډه له یوشمېر عاریضونو او هغو کسانو سره چې د تخنیکي پلاوي له خوا راغوښتل شوي ول خبرې اترې وشوې او ترڅنګ یې د تخنیکي پلاوی یو ګروپ د ټاکل شوي پلان مطابق د خوست مرکز اړوند فرم باغ او اړوندو سیمو څخه د نظارت په موخه لاړ چې په څلورو شاوخوا ځایونو کې د یو شمېر اشخاصو څخه امار تي املاک د غصب څخه وساتل شول او شخاصو ته په امارتي ځمکو کې د هر ډول مالکانه تصرف د نه کولو هدایت وشو چې ځیني اشخاص راتلونکې غونډې ته د خپلو اعتباروړ اسنادو سره یو ځای را وبالل شول.
باید وویل شي، چې د خوست ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
