خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
۲۶ غویی ۱۴۰۲ه.ش
۲۶ شَوّال المُکَرَّم ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې غونډې په ځينو مهمو موضوعاتو باندې مفصلې خبرې وشوې.
دغه راز په دې غونډه له یوشمېر عاریضونو او هغو کسانو سره چې د تخنیکي پلاوي له خوا راغوښتل شوي ول خبرې اترې وشوې او ترڅنګ یې د باک ولسوالی له ځینو کسانو سره چې له اسنادو سره راغوښتل شوي ول خبرې وشوې همداراز د صبریو ولسوالی د انځر پالې موضوع په اړه ځیني مشران راغلي وو ډیر اوږد جر وبحث وشو چې په اړه به یې راتلونکي کې لازم تصمیم ونیول شي.
دغه راز دخوست د مرکز اړوند د وچې خوړې سیمې ځیني هغه مشران او مولوي صاحبان راغلي وو چې په تیره غونډه کې د تخنیکي پلاوی مشرانو لخوا له دوی څخه د(۱۵) حدودو په شاوخوا کې کورونه ویجاړ شوي وو خبرې اترې وشوې.
په دې غونډه کې همداراز له سیمه ییزو چاراواکو او مشرانو سره د دوی اړوندو موضوعاتو باندې مفصلې خبرې وشوې او د دوی پر موضوعاتو لازمې پرېکړې نیولو په پار بحث وشو.
باید وویل شي، چې د خوست ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
