د ننګرهار ۷ ولسوالیو کې ۹۸۰۰ مالدارانو سره نغدې مرستې وشوې
۲۵ غویی ۱۴۰۲ه.ش
۲۵ شَوّال المُکَرَّم ۱۴۴۴ ه.ق
دننګرهار دکرنې، اوبولګولو او مالدارۍ ریاست د ملګرو ملتونو دخوړو او کرنې ادراې «FAO» په همکارۍ ددې ولایت ۷ ولسوالیو «شېرزاد، دره نور، مهمندره، نازیان، شینواري، سپین غر او دوربابا» کې پر ۹۸۰۰ مالدارانو نغدې پیسې وېشل شوي دي.
ددې مرستې په ترڅ کې یاد ۹۸۰۰ مالدارانو ته د څارویو خوراکي توکو پېرلو په پار هر یوه ته ۶۸۲۰ افغانۍ ورکړل شوي دي.
په ورته مهال د سیمې مالدارانو او کوچیانو له یادې مرستې خوښي وښوده او په راتلونکي کې یې هم د لا نورو همکاریو غوښتنه وکړه.
ددې مرستې موخه د بېوزله مالدارانو ملاتړ او په ټوله کې په یادو ولسوالیو کې د مالدارۍ سکټور ودې ته زمینه برابرول دي.
