د پکتیا ولایت د غصب مخنیوي او غصب شویو ځمکو د تشخیص او تثبیت پلاوي غونډه
١٤ غویی ۱۴۰۲ه.ش
١٤ شَوّال المُکَرَّم ۱۴۴۴ ه.ق
د پکتیا ولایت د غصب مخنیوي او غصب شویو ځمکو د تشخیص او تثبیت پلاوي کاري غونډه د یاد ولایت څارنوالۍ ریاست کې جوړه شوه، چې پکې د پکتيا ولایت د غصب مخنیوی او غصب شویو ځمکو د تشخیص او تثبیت تخنیکي پلاوی رییس او غړو ګډون درلود.
یاده غونډه چې د پکتیا ولایت څارنوالۍ ریاست کې دایره شوې وه د یاد تخنیکي پلاوی غړو په جوړه شوې ناسته کې په خپل وار سره د تېرې اوونۍ د ترسره شویو چارو اړوند راپورنه وړاندې کړل او د راتلونکی اوونۍ لپاره یې په پلان شوې عملي طرحه خپل نظرونه او مشورې د غونډې ګډونوالو سره شریک کړل.
د غونډی په وروستیو شیبو کې د یاد تخنیکي پلاوی د پکتیا ولایت د مرافعې محکمې ریاست له رییس او پرسونل سره ولیدل.
په یاده لیدنه کی د پکتیا ولایت د غصب مخنیوي او غصب شویو ځمکو د تشخیص او تثبیت پلاوي او د پکتیا ولایت د مرافعې محکمې ریاست له مسئول او کارکوونکو سره د ځمکو اړوند اسنادو په هکله هراړخیزه خبری او نظرونه شریک کړل.
په دې غونډه کې دغه راز پریکړه وشوه، چې د اسنادو ثبت او محفوظ قیدیت یوازې د محکمې د مکتوب په اساس واضع او جواب کېدای شي. همداراز د استهداد تر وخته پورې به محکمې ریاست د ثبت او محفوظ د رسمی مکتوب په اساس ورکول کېږي.دغه راز د هرې ولسوالۍ محکمې مکلفې دي، چې د استعلام یا مکتوب په اساس د غصب کمیسیون څخه د سلطاني ځمکو معلوماتو غوښتنه وکړې. په همدې توګه د قبالو راغلې طرزالعمل په اساس د قبالو لومړني مسائیل د اراضي او نهایی طی مراحل یې د محکمې ریاست پوری اړه لري.
همداراز هغه دوسیې، چې د ځمکو د غصب مخنیوی کمیسیون پرې اشتباه لري د هغو دوسیو فهرست ترتیب او د محکمې ریاست ته ولیږې.
