د ننګرهار بهسودو ولسوالی کې ۱۲۵ کروندګرو سره مرسته وشوه
۱۱ غویی ۱۴۰۲ه.ش
۱۱ شَوّال المُکَرَّم ۱۴۴۴ ه.ق
د ننګرهار دکرنې، اوبولګولو او مالدارۍ ریاست د خوړو نړیوال پروګرام (WFP) په مالي ملاتړ او د افغانستان د راتلوونکې نسلونو (FGA) مؤسسې په همکارۍ د ننګرهار د کرنې ریاست تر چتر لاندې د دی ولایت د بهسود ولسوالی اړوند د میرانو او نهرشاهي کلیو کې د بزګرانو جوړو شوو ټولنو 125 تنه کروندګرو ته د غلو دانو د ساتنې لپاره کندوان ووېشل شول.
د بهسودو ولسوالی د کرنیزو خدمتونو مسؤل وايي، چې هر کندو د 1500 کیلو ګرامه غلو دانو ساتنې وړتیالري.
هغه زیاته کړه، چې تر دې د مخه د یادو ټولنو غړو ته د غنمو اصلاح شوي تخمونه هم وېشل شوې وه، چې دمګړۍ ورسره د غلو دانو د ساتنې په موخه د کندوانو مرسته ترسره شوه.
ددې مرستې موخه د بزګرانو ملاتړ او د دوی د محصولاتو خوندي کول دي.
