د لوګرکې د حيواني درمل پلورنځيو څارنه وشوه
د لوګر ولایت د کرنې، اوبولګولو او مالدارۍ رياست دمالدارۍ او حیواني روغتیا کارکوونکو ددې ولايت مرکز په ګډون برکي برک څرخ او محمدآغې والسوالیوکې دحيواني درملپلورنځيوڅارنه وکړه.
د دې څارنې په ترڅ کې تر وخت تېر او بې کیفیته ۲۵ قلمه درمل راټول شول او دیادو درملتونونو مالکانو ته په معیاري شکل لارښونې وشوې.
د یاد پلاوي لخوا هغه شمېردرملو پلورونکو ته چې مسلکي وړتیا نلري ددرملو له پلو، د ناروغيو تشخیص، وقايې او په دې برخه کې له هر ډول کار او فعالیت کولو څخه منع کړل، او هغه درملتونونه چې بې له جوازه فعالیت کوی ورته د جواز اخیستلو اړوند لارښوونې وشوی.
ددې څارنې موخه دحيواني درملتونونو معياري کول او مالدارانو ته باکيفيته خدمات وړاندې کول دي.
