د لوګر خروار کې يو شمېر کسانو ته د کار زمینه برابره شوې
٢٦ وری ۱۴۰۲ه.ش
٢٤ رَمَضانُ المُبارَک ۱۴۴۴ ه.ق
د لوګر د کرنې، اوبولګولو او مالدارۍ رياست وايی، چې په ددې ولايت خروار ولسوالی کې ٦٦ کسانو ته د کار زمینه برابره شوې ده.
د چارواکو په خبره د خوړو نړیوال پروګرام "WFP" په مالي ملاتړ او د بشري قواوو د پراختیا ادارې په تخنیکي همکارۍ د شتمنیو جوړونې "Asset creation" پروژې تر چتر لاندې په عامه غیر مثمر بڼ کې د اوبو د حوض او ساتندوی خونې (ګارد روم) جوړولو لپاره خط اندازۍ او د کرنې سکتور اړونده ۶۶ کسانو ته د دویم ځل لپاره د کار زمینه برابره او پر دوی اړونده توکي ووېشل شول.
په دې اړه جوړه شوې غونډه کې د خروار ولسوال مولوي شیراحمد حبیب، دکرنې مدیر مولوي نور الحق امداد الله او نورو دولتي چارواکو هم ګډون درلود.
