خوست کې پر یوشمېر کروندګرو د سبو کرکیلې توکي ووېشل شول

۲۳ وری ۱۴۰۲ه‍.ش
۲۱ رَمَضانُ المُبارَک ۱۴۴۴ ه‍.ق
د خوست دکرنې، اوبولګولو او مالدارۍ ریاست د پاملرنې مؤسسې په همکارۍ ددې ولایت په مرکز کې پر ۴۰ کروندګرو د سبو اصلاح شوي تخمونه، کیمیاوي سرې او دکرکیلي توکي وېشلي دي.
د چارواکو په خبره په دغو وېشل شویو توکو کې ۲۱ توکي شامل دي، چې هر بزګر ته ۵۰ کیلوګرامه سپینه سره، ۵۰ کیلوګرامه توره سره، یوه دانه کراچی، 3 دانې بیلچې،2 دانې پنجه کش، دواپاشي پمپ، محافظتي جامې مکمل پکیج سره، پلاستکي موزې، 10 دانې دمحصولاتو ټولولو بسکیټونه، 1 کیلو ګرام دبنډیو هایبریډ تخم، 10 دانې دحشراتو ضد سټیکرې، لاسمغان، دخېشاوې مکمل پکیج او دیته ورته وسایل ورکړل شوي دي.
ددې مرستې موخه دکروندګرو ملاتړ او په ټوله کې په دې ولایت کې د سبو حاصلاتو زیاتوالی ښودل شوی دی.