د ننګرهار سرخرود کې ۹۱ کورنيو سره نغدې مرستې وشوې
د ننګرهار کرنې، اوبولګولو او مالدارۍ ریاست تر چتر لاندې د ژغورنې نړیوالی کمیټي (IRC) له لورې د سرخرود ولسوالی د چهار باغ کلی کې مېرمنو ته په کور دننه د کاري فرصتونو برابرولو او کرنیز او مالدارۍ محصولاتو ته د ارزښت ورکولو په موخه د سبو، مېوو او لبنیاتو د پروسس لپاره ۹۱ کورنیو ته ۲ میلیونه او ۴۷ زره پنځه سوه افغانۍ نغدې مرستې ووېشل شوې.
د مرستې د وېش پر مهال د ننګرهار دکرنې ادارې او ولسوالی استازو وویل، چې هری کورنۍ ته د پروسس او نورو ضرورت وړ وسایلو اخستلو پخاطر ۲۲۵۰۰ افغانۍ ورکړل شوي دي. تر څو د خپل ضرورت وړ د پروسس وسایل پری واخلي، او راتلوونکې کې په کور دننه د سبو، مېوو او همداراز د لبنیاتو پروسس تر سره او محصولات يې مارکیټ ته عرضه کړي، او خپل اقتصاد پیاوړي کړي.
د یادونې وړ ده چې، غونډه کې یو اندازه پروسس شوي محصولات هم نندارې ته اښښودل شوې وه.
