هلمندي بڼوال د انګورو د حاصلاتو راټولولو لارې چارې زده کړل
![هلمندي بڼوال د انګورو د حاصلاتو راټولولو لارې چارې زده کړل](https://www.mail.gov.af/sites/default/files/2019-08/67963927_2626306867393897_6871142513260888064_n.jpg)
۱۳ زمری ۱۳۹۸
د هلمند د کرنې، اوبولګولو او مالدارۍ ریاست ددې ولایت ۱۰۰ سیمه ییزو بڼوالو ته په فني ډول د انګورو د حاصلاتو راټولولو او اوسُرت بندۍ لارې چارې ور وښودل.
د هلمند دکرنې رییس زلمی الکو وایي، په دې روزنیزه برنامه کې، چې ددې و لایت په څېړنیز فارم کې په لاره اچول شوې وه سل سیمه ییز بڼوال او بزګران ګډون درلود، چې د انګورو حاصلاتو راټولولو اوسُرت بندۍ په برخه کې لازمې لارښوونې ورته وشوې. ښاغلي الکو وویل، چې ددې روزنیز پرورګرام موخه د انګورو حاصلاتو د راټولولو په برخه کې بڼوالو ته روزنه ورکول وه ترڅو د خپلو بڼونو حاصلات په سمه توګه راټول او بازراته وړاندي کړي، چې ښه پېرېدونکي پیدا کړي.
د هلمند دکرنې ریاست فني او مسلکي کارکوونکي هلې ځلې کوی، چې ددې ولایت دودیز کرکېلي ته پرمختللي او عصري بڼه ورکړي.