د ننګرهار د کرنې څېړنیز فارم کې د سبو تخمونو د تولید په موخه پسرلني کر پیل شو
۱۰ کب ۱۴۰۱ه.ش
۸ شَعبان المُعَظّم ۱۴۴۴ ه.ق
د ننګرهار د کرنې، اوبولګولو او مالدارۍ ریاست اړوند د شیشم باغ څېړنیز فارم کې د سبو تخمونو د تولید په موخه د پسرلنې کر پر مهال د ننګرهار د کرنې ادارې رییس مولوی عبدالستار محمد وویل، چې دمګړۍ په یاد فارم کې د نورو سبو تر څنګ د لیړوګانو کر پیل شوی دی.
محمد زیاته زیاته کړه، چې هر کال په یاد فارم کې د غله جاتو او حبوباتو تخمونه تولیدېږي او د رواجولو لپاره يي د کرنیزو شرکتونو ته په واک کې ورکوي.
د ننګرهار دکرنې رییس وویل: «له نېکه مرغه،چې اوس د غله جاتو او حبوباتو ترڅنګ د سبو د تخمونو د تولید لپاره هم هڅې روانې دي او تمه کېږي چې پایلي به يي ښه وي.»
