د پکتیا دکرنې ریاست: د ځمکو د غصب د مخنيوي تخنیکي پلاوي د روحاني بابا قومي مشرانو سره ناسته ترسره کړه
د پکتیا ولایت د ځمکو د غصب د مخنيوي تخنیکي پلاوی غړو د پکتیا ولایت اړونده د روحاني بابا ولسوالی له ولسوال، امنیه قومندان، استخباراتو مسئول او قومي مشرانو سره ناسته ترسره کړه.
په ياده ناسته کې د ځمکو د غصب د مخنيوي تخنیکي پلاوی لخوا د سلطاني ځمکو د غصب د مخنيوي په اړه د اميرالمؤمنين فرمان او د ياد فرمان د تطبيق لپاره جوړ شوی طرزالعمل ګډونوالو ته وړاندې کړ.
د غصب د مخنيوي تخنیکي پلاوی غړو د یادو سیمو قومي مشرانو څخه وغوښتل چې په ياده سیمه کې د غصب شويو ځمکو د حدودو د تثبيت، د غصب کوونکو د معلومولو او د غصب شويو ځمکو د مخنيوي په برخه کې له ټاکل شوې کميټې سره همکاري وکړي.
د پکتیا ولایت د ځمکو د غصب د مخنيوي تخنیکي پلاوی رییس عبدالرؤف سعید وویل، چې یاد تخنیکي پلاوي به خپلې عملې کړنې د لومړنيو معلوماتو د ترلاسه کولو وروسته ډېر ژر پيل کړي او نور هیچاته اجازه نه ورکوی، چې خپل سرې هغه سلطاني ځمکې چې دوی غصب کړي او که چېرې د چا لخوا دا کار وشو د قانون منګلو ته ددې کمیسیون لخوا رسمآ ورپېژندل کېږی.
د یادولو وړ ده، چې یاد تخنیکي پلاوی لخوا په نوموړی سیمه کې ۳۵ جریب سلطاني ځمکه د تصرف کوونکو څخه وژغورله شوه او نیالګي یی راویستل شو.
د غونډې په پای کې د ځمکو د غصب د مخنيوي تخنیکي پلاوی لخوا د یاد کلیو استازو ته استعلامونه هم ورکړل ترڅو استعلامونه ځواب کړي او تر دریو ورځو پورې یې قضاء امارت ته وسپاري.
