فراه کې دځمکو د غصب مخنیوی او د غصب شویو ځمکو بېرته راګرځولو تخنیکي پلاوی د مرکز اړوند ځینو سیمو څخه لیدنه وکړه
۱۲ سلواغه ۱۴۰۱ه.ش
۱۰ رَجَب المُرَجَّب ۱۴۴۴ ه.ق
د فراه دکرنې، اوبولګولو او مالدارۍ ریاست وایي، چې ددې ولایت دځمکو د غصب مخنیوی او د غصب شویو ځمکو بېرته راګرځولو تخنیکي پلاوی فراه ولایت مرکز اړوند غلام خان سیمې څخه لیدنه وکړه.
په یاده سیمه کې ۱۰۳۲ جریبه ځمکه امارتي ځمکه تثبیت شوه، چې پخپل سر ودانۍ په کې جوړې شوي دي.
فراه کې دځمکو د غصب مخنیوی او د غصب شویو ځمکو بېرته راګرځولو تخنیکي پلاوی د یادې سیمې خلکو ته د ځمکې غصب مخنیوي او غصب شویو ځمکو د بېرته راګرځولو کمېټې په هکله مفصل معلومات وړاندې کړل.
باید وویل شي، چې د فراه ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
