د ننګرهار دکرنې ریاس: د سرخرود او چپرهار ولسوالیو په مربوطاتو کې 6509 جریبه اماراتي ځمکه تثبیت شوه
ننګرهار کې د امارتي ځمکې د غصب مخنیوی او غصب شویو ځمکو د بېرته راګرځولو تخنیکي پلاوي، چې په کې د ننګرهار د عدلیې رییس، د څارنوالی رییس ، حج اوقافو رییس، کار او ټولنیزو چارو رییس، ښارجوړونې رییس، د ښاروالۍ مرستیال، د ننګرهار مستوفي، د امنیه قومندانۍ مرستیال، د کدستر امر، د قضایای امارت امر د ننګرهار د کرنې، اوبولګولو او مالدارۍ ریس مولوی عبدالستار محمد په مشرۍ د سرخرود ولسوالۍ اړوند چې د سیاف فامیلۍ په نوم یادېږي او په زیاته اندازه ودانۍ پکې جوړي شوي او هیڅ قسم قانونې او شرعي اسناد یې نه درلودل 2861 جریبه اماراتي ځمکه تثبیت کړه.
ورته مهال د پورته تثبیت شوي سیمې ته څېرمه د حاجي ګل میران لخوا په سباوون نامه شخص باندې تقریباً 3648 جریبه خرڅه شوي ځمکه چې د سباوون لخوا پکې ښارګوټی جوړه شوې ده، د تخنیکې هیت لخوا اماراتي تثبیت شوو.
د تخنیکې پلاوی غړو لخوا یو شمېر اوسیدونکو ته خبردارۍ هم ورکړل شو، چې د ځمکو پېر او پلور بند کړي او همدارنګه هیڅوک نشي کولای چې نوی ودانۍ جوړی او یا ساختمانې چاري مخ ته یوسي.
باید وویل شي، چې د ځمکو د غصب د مخنيوي کميټې تر دې دمه په ننګرهار ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
