د ننګرهار کانال ریاست: د هډې فارم ۱۰ مه نمره کې د مالټې بڼونه جوړېږي
۲۸ مرغومې ۱۴۰۱ه.ش
۲۵ جُمادیَ الثّاني ۱۴۴۴ ه.ق
د ننګرهار کانال ریاست چارواکي وایي، چې دیاد ریاست اړوند دهډې فارم په لسمه نمره کې د مالټو نږدې ۲۰۰ جریبه نوي بڼونه جوړېږي.
د چارواکو په خبره د هډې فارم ۱۰ مه نمره کې د ۲۰۰ جریبه مالټو بڼونو د جوړولو چارې روانې دي، چې ټولیز لګښت یې ۲۰ میلیونه افغانۍ ده او لسګونو کسانو ته په کې د کار زمینه برابرېږي.
د ننګرهار د کانال ریاست چارواکي وایي، چې ددې پروګرام په پلي کولو سره به په دې سیمه کې شاړې ځمکې ابادې او ورسره به د سیمې زرغونتیا او ښېرازۍ ته هم زمینه برابره او ترڅنګ به یې ددې ولایت د مالټو د حاصلاتو کچه هم لوړ شي.
ننګرهار د سټروسو مېوو لکه مالټې، نارنج او لیمو ونو لپاره مناسب اقلیم لري او په دې وروستیو کې په دغه ولایت کې دسټورو سلګونه جریبه بڼونه جوړ شوي دي.
