لوګر کې د ځمکې غصب مخنیوی او غصب شویو ځمکو بېرته راګرځولو کمېټې غونډه
د لوګر ولایت د کرنې، اوبولګولو او مالدارۍ ریاست د رییس مولوی سید امین هاشمي په مشرۍ د دولتي، سلطاني، مرعي او وقفي ځمکو د غصب څخه د بیرته راګرځولو تخنيکې پلاوی خپله څوارلسمه غونډه تر سره کړه.
ناسته کې د تیرو موضوعاتو په اړه بحث وشو، همدا راز د برکي برک ولسوالۍ اړوند چهلتن دورانیو دښتې، او مرکز پل علم اړوند خلیل آباد او باري دښتې چې د ځینو اشخاصو لخوا پکې دولتي ځمکې غصب شوي، له دغه اشخاصو چې ځمکې یې نیولي او بیا یې په خلکو پلورلي پوښتنپاڼې وویشل شوي، تر څو یې ځواب کړي او هغو خلکو چې کوم اسناد په لاس درلودل د کمېټې ټولو غړو په ګډه وڅېړل.
باید وویل شي، چې د یادو دښتو د غصب شوو ځمکو په اړه تفصلي راپور ترتیب او د نهایي فیصلې او عملي اقدام لپاره به یې د دولتي، سلطاني، مرعي او وقفي ځمکو د غصب څخه د بېرته راګرځولو مرکزي کمیسون ته واستوي.
