خوست کې د مالدارۍ ځنځیري ارزښت پروژې له خوا په تېر یوه میاشت کې ترسره شوي کړنې
۱ مرغومې ۱۴۰۱ه.ش
۲۸ جمادي اﻷول ۱۴۴۴ ه.ق
دکرنې، اوبولګولو او مالدارۍ وزارت د افغانستان لپاره د مالدارۍ ځنځیري ارزښت دودې پروژې چارواکي وایي، چې ددې پروژې له لارې په تېر یوه میاشت (لېندۍ) کې د خوست ولایت په کچه یوشمېر پروژې پلي شوي دي.
ددوی په خبره په دغو پروژو کې د کب روزنې په برخه کې د فارمو لرونکو روزنه، چې ورسره تخنیکي مرستې هم کېږي، د مالدارانو روزنه او دغه راز سیمه ییزو وټرنرانو ته د مصنوعي القاح په برخه کې روزنه ورکول هغه کړنې دي، چې د یادې پروژې له خوا په تېر یوه میاشت کې پلي شوي دي.
د دغو پروژو د پلي کولو موخه د بزګرانو او مالدارانو ملاتړ او د یادو برخوته زمینه برابرول دي.
