په لغمان کې دامارتي ځمکودغصب دمخنیوي او غصب شویوځمکو دتثبیت او تشخیص تخنیکي پلاوی لسمه غونډه

۲۸  لېندۍ ۱۴۰۱ه‍.ش
۲۵ جمادي اﻷول ۱۴۴۴ ه‍.ق
لغمان کې دامارتي ځمکو دغصب دمخنیوي او غصب شویو ځمکو دتثبیت او تشخیص تخنیکي پلاوی خپله لسمه غونډه د لغمان دکرنې، اوبولګولو او مالدارۍ رییس الحاج مولوي محمد ولي محسن په مشرۍ دده په کاري دفترکې تر سره کړه.
په دې غونډه کې یاد تخنیکي پلاوی د R2 ښارگوټي د ( ۴۸ .۳۷۰)  جریبه غصب شوې ځمکې او دقرغیو ولسوالۍ اړوند دکاکڅ دسیمي د(۱۲۰) جریبه کرنیزې غصب شوې ځمکې له غاصبینو سره دموضوع دلاښه څیړنې په پار وکتل او له دوي څخه یې دغصب دعلت او دځمکې دقانوني اسنادو د لرلو پوښتنه وکړه او په دې هکله یې ددوي نظرونه او معلومات واخیستل چې په پایله کې دواړو غصب شويو ځمکو غاصبینو سره کوم قانوني اسناد په لاس کې شتون نه لره چې د تخنیکي هیئت رئیس ښاغلي محسن له لوري دR2 ښارګوټي غاصبینو ته چاچې هلته داستوګنې کورونه جوړکړي دي وویل چې ستونزې اوغوښتنې مو په دې برخه کې  واوریدلې چې دا به دغصب دمخنیوي او استرداد عالي کمیسیون له مشرانو سره شریک کوو او دهغوي پریکړې ته انتظار وباسئ. چې دبحث اوتصمیم نیونې څخه وروسته یاد تخنیکي هیئت علینګار ولسوالۍ ته سفر وکړه چې ددې سفر په ترڅ کې یې لمړی دبدیع الاباد او چنچار پول سیمو کې بررسي وکړه چې دیادو ساحو په دوه برخوکې خلکو په امارتي ډاگونو کې نوي کارونه کول چې دتخنیکي هیئت له لوري د دوي کار بند او له غصب څخه یې مخنیوی وشو،چې بیا تخنیکي هیئت دعلینګار ولسوالۍ اړوند ابي ناؤ سیمې ته لاړ چې څه موده وړاندې د ابي ناؤ سیمې کوچیانو او کچور سیمې د دواړو قومونو ترمنځ په امارتي ډاګ باندې لانجه راغلې وه او دابي ناؤ سیمې کوچیانو له لوري دکچور په ولسونو دټوپک ډزې شوې وې چې دکچور سیمې درې تنه په ډزو زخمیان شوي هم وو دتخنیکي هیئت رئیس مولوي محمدولي محسن د دې موضوع د څیړنې په موخه دواړه قومونه را وغوښتل او له دوي څخه یې په بیلابیل ډول د دې ځمکې دکره اسنادو د لرلو او د دې جنجال داصلي علت پوښتنه وکړه چې دابي ناؤ سیمې کوچیانو ادعا کوله چې دا زمونږه مالچر دې او دکچور سیمې خلکو ویلې چې زمونږ کرنیزه ځمکه ده چې دتخنیکي هیئت دڅیړنې څخه وروسته دا ثابته شوه چې دا امارتي ځمکه ده دواړه خواوي له کار کولو څخه منع او په نتیجه کې تقریباً(۵۰۰) جریبه امارتي ځمکه له غصب څخه یې مخنیوی وشوه.