لغمان کې د ځمکې غصب مخنیوی او د غصب شویو ځمکو بېرته راګرځولو په پار هڅې
۱۵ لېندۍ ۱۴۰۱ه.ش
۱۲ جمادي اﻷول ۱۴۴۴ ه.ق
د لغمان دکرنې، اوبولګولو او مالدارۍ ریاست وایي، چې په دې ولایت کې د ځمکې غصب مخنیوی او د غصب شویو ځمکو د بېرته راګرځولو تخنیکي پلاوی چارې کړندې شوي دي، چې په همدې ترڅ کې د لغمان دکرنې رییس الحاج مولوی محمد ولي محسن په مشرۍ د قرغیو ولسوالی اړوند د سرخکانو د زنګورې سیمې څخه لیدنه وکړه.
په دې سفر کې د لغمان د کرنې رییس او د ځمکې د غصب مخنیوی او غصب شویو ځمکو د بېرته راګرځولو تخنیکي پلاوید قرغیو ولسوالی ولسوال او یوشمېر چارواکو سره په تنه کې د ځمکې د غصب مخنیوی او غصب شویو ځمکو بېرته را ګرځولو موضوعات له دوی سره شریک کړل.
د لغمان دکرنې رییس دغه راز د ځمکي غصب مخنیوي او د غصب شویو ځمکو د بېرته راګرځولو په پار د عالیقدر امیرالمؤمنین حفظ الله د فرمان او د اسلامي امارت د کابینې پرېکړې په پار هم ټولو مشرانو ته مالومات وړاندې کړل او له دوی څخه وغوښتل، چې د امارتي ځمکې د غصب څخه دې لاس واخلي او غصب شوي ځمکې دې بېرته امارت را وګرځوې او د امارت د قانون او اصولو پر اساس دې ځمکې په اجاره ونیسي.
باید وویل شي، چې لغمان کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
