دلوګر محمدآغې کې پر یوشمېر بزګرانو د غنمو اصلاح شوي تخم او کیمیاوي سرې ووېشل شوې
د لوګر دکرنې، اوبولګولو او مالدارۍ ریاست وایي، چې ددې ولایت د محمدآغې ولسوالۍ په ۴۸ بزګرانو د غنمو اصلاح شوي تخونه او کیمیاوي سرې وېشلي دي.
د چارواکو په خبره ددې مرستې په ترڅ کې د محمدآغې ولسوالی په ۴۸ بزګرانو د «DI» مؤسسې په مرسته د غنمو اصلاح شوي تخمونه او کیمیاوي سرې وېشل شوي دي.
ددې مرستې په لړ کې هر بزګر ته ۶۰ کیلوګرامه د غنمو اصلاح شوي تخم، ۷۵کیلو توره سره او ۵۰ کیلو سپینه سره ورکړل شوی دی.
ددغو مرستو ترڅنګ برخمن شویو بزګرانو ته د غنمو د کښت او د کرکیلي په برخه کې لازمې لارښونې هم شوي دي.
