د کندز قلعه ذال کې د دولتي ځمکو د غصب مخه ونیول شوه
۵ لېندۍ ۱۴۰۱ه.ش
۱ جمادي اﻷول ۱۴۴۴ ه.ق
د کندز دکرنې، اوبولګولو او مالدارۍ ریاست وایي، چې ددې ولایت د ځمکې د غصب مخنیوي او د غصب شویو ځمکو د بېرته را ګرځولو کمېټې چارې کړندي شوي دي.
د دوی په خبره په دې برخه کې د هلو ځلو په ترڅ کې د کندز ولایت د قلعه ذال په ولسوالۍ کې د دولتي ځمکو د غصب مخه نیول شوی دی.
د کندز دکرنې ریاست وایي: «د کرنې، اوبولګولو او مالدارۍ ریاست د رهبرۍ په لارښوونه او په قلعه ذال کې د کرنیزو خدمتونو د عمومي مدیریت او د ولاسوالی په همکاری په نه ستړي کیدونکو هلو ځلو سره د کندز ولایت په قلعه ذال ولسوالی کي د دولتي ځمکو د غصب مخه ونیول شوه، جوړ شوی دیوال ونړول شو او غاصبین به عدلي او قضايي ارګانونو ته معرفي شي.»
دکندز دکرنې ریاست وایي، چې د دولتي ځمکو د غصب مخنیوی د کرنې، اوبولګولو او مالدارۍ ریاست له لومړیتوبونو څخه دی. په کندوز ولایت کې ټولې غصب شوې ځمکې د چارواکو له تایید او حکم وروسته بېرته راګرځول کېږي.
