ننګرهار کې د هګیو چرګانو ۵۸۸ کورني فارمونه جوړېږي
۳ لېندۍ ۱۴۰۱ه.ش
۲۹ ربیعالثاني ۱۴۴۴ ه.ق
د ننګرهار ولایت دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې (FAO)په مالي او د (Action Aid )مؤسې په تخنیکي همکارۍ ددې ولایت د شېرزاد ولسوالی په بېلابېلو کلیو کې ۵۸۸ بېوزلې، کونډې او معیوبو ښځو ته د دوی دکورني اقتصاد د پیاوړتیا په پار د هګیو چرګانو د فارمونو جوړولو په پار اړین توکي وېشلي دي.
په دغو وېشل شویو توکو کې هر مستحق کس ته ۳۰ د هګیو چرګان او ۱۵۰ کیلو ګرامه د چرګانو خوراکي توکي او دغه راز د چرګانو فارم جوړولو په پار یوه دروازه، ده کړکۍ، د اوبو دې لوښې او د دانو درې لوښې شامل دي.
ددغو مرستو موخه په دې ولایت کې د چرګانو روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته زمینه برابرول دي.
