لغمان کې دځمکو د غصب دمخنیوي او غصب شویو ځمکو دتشخیص او تثبیت تخنیکي پلاوی درېیمه غونډه
۳۰ لړم ۱۴۰۱ه.ش
۲۶ ربیعالثاني ۱۴۴۴ ه.ق
دلغمان دکرنې، اوبولګولواومالدارۍ رییس الحاج مولوي محمدولي محسن په مشرۍ دځمکو د غصب مخنیوي اوغصب شویو ځمکو دتشخیص او تثبیت تخنیکي پلاوی درېیمه غونډه دتېرپه څېر د لغمان دکرنې ریاست کې په داسې حال کې ترسره شوه چې د لغمان ولایت دعدلیې، څارنوالۍ، کار او ټولنیزوچارو اوښارجوړونې ریاستونو رئیسانو او د مستوفیت، ښاروالۍ ریاستونو استازو، دامنیې قوماندانۍ اداري مرستیال، د امارت دقضایوو امر او دځمکوالۍ امریت دکدستر مسؤل حضور درلود.
د غونډې په پیل کې د لغمان د کرنې، اوبولګولواومالدارۍ رئیس الحاج مولوي محمدولي محسن دغونډې ګډونوالو ته ښه راغلاست او هرکلي ویلو ترڅنګ لارښوونکې وینا وکړه، هغه وویل: «کوم مسؤلیت چې دځمکودغصب دمخنیوي او غصب شویوځمکودتشخیص او تثبیت په برخه کې موږ ته سپارل شوی باید دمشرانو د لارښوونې سره سم یې پروخت ترسره کړو.»
نوموړي د دې هدف په ترلاسه کولو کې دتخنیکي هیئت غړو ته د حاضري په پاپندي باندې ټینګار وکړ. وروسته ښاغلي محسن دتخنیکي هیئت غړو سره دغصب شویوځمکو دتثبیت او تشخیص لپاره د پلان په ترتیب باندې کار وکړ او په دې اړه یې تخنیکي هیئت غړوته لازمې لارښوونې وکړې او داجنډا سره سم د ذکرشوو تخنیکي هيئت غړو دچارو دلا ښه تطبیق په موخه په نوبت سره خپل نظرونه د تخنیکي هیئت مشر ته وړاندې کړل.
