د لوګر محمدآغې کې څه باندې دوه زره کسانو ته د کار زمینه برابره شوه
د لوګر وردګو ولایت د کرنې، اوبولګولو او مالدارۍ ریاست د «FGA» مؤسسې په تخنیکي همکارۍ ددې ولایت د محمدآغې ولسوالۍ ۲۱۴۸ کسانو ته د لنډ مهالې دندې زمینه برابره کړې ده.
د چارواکو په خبره یاد کسان ددې ولسوالی اړوند ویالې، لښتۍ او کانالونه پاکوي او په ترڅ کې به دوی ته نغدې پیسې ورکول کېږي.
له دې پروژې برخمن شوي کسان خوښ دي، چې په خپلو سیمو کې ورته د کار زمینه برابره شوې ده او ترڅنګ یې د دوی د کرنیزو ځمکو خړوبولو په پار د دوی ویالې او کانالونه پاکېږي.
ددې پروژې د پلي کولو موخه خلکو ته دکار د زمینې برابرولو ترڅنګ د اوبو د ضایعاتو مخنیوی او کنټرول دی.
