ارزګان کې د اماراتي ځمکو د غصب مخنیوي په موخه ناسته ترسره شوه
۱۲ لړم ۱۴۰۱ه.ش
۸ ربیعالثانی ۱۴۴۴ ه.ق
د ارزګان په ولایت کې د سلطاني او اماراتي ځمکو دغصب مخنيوي کمېسون د دې لایت دکرنې رییس الحاج مولوی عبدالصمد مقبول تر مشرۍ لاندې غونډه ترسره کړه،.
د ارزګان دکرنې رییس الحاج مولوی عبدالصمد مقبول د غصب مخنیوي کمېسون غړو په ناسته کې وویل، چې د امیرالمؤمنین حکم دی ترڅو یو ګډ کمېسون جوړ او سلطاني او اماراتي ځمکې له غصب څخه خلاصې او د امارات په واک کې ورکړل شي.
هغوي وویل، چې دا کمېسيون به د ځمکو تشخیص، د غصب مخنیوی، سلطاني او امارتي ځمکې په نښه کوي او د تثبیت وروسته به یې بېرته د امارات په واک کې ورکوي.
د ارزګان دکرنې رییس د غصب مخنیوي کمېسيون ته سپارښتنه وکړه، چې د غصب شوو ځمکو د تشخیص لپاره باید یو عملیاتي پلان ترتیب شي ترڅو غصب شوي ځمکې، جایدادونو او تعمیرونو په اړه معلومات راټول او بشپړ ارقام ولایت مقام سره شریک کړي.
د یادونې وړ ده، چې پدې کمېسيون کې د کرنې، اوبولګولواو مالدارۍ، ښاروالۍ، کار او ټولنيزو چارو، ښار جوړونې، حج اوقاف، څارنوالي، امنيه قومانداني، کادستر او د قضاياوو ادارې شامل دي.
