لوګر ولایت کې په ۲۵۰ سېلاب ځپلو اواړمنو کورنیو خوراکي توکي ووېشل شول
۹ تله ۱۴۰۱ه.ش
۵ ربیعالاول ۱۴۴۴ ه.ق
د لوګر د کرنې، اوبولګولو او مالدارۍ ریاست لخوا د(IBT)خیریه بنسټ په مالي ملاتړ د لوګر ولایت مرکز په ګډون د خوښۍ، څرخ او برکي برک ولسوالیو په ۲۵۰ سېلاب ځپلو او اړمنو کورنیو خوراکي توکي ووېشل.
په دې اړه جوړه شوې غونډه کې د لوګر دکرنې رییس مولوی سید امین هاشمي، د اقتصاد رییس انجنیر محمدحامد مظلومیار، د خوښۍ ولسوال مولوی محمدهاشم اخندزاده، د IBT خیریه بنسټ او روسنیو استازو ګډون کړی وو.
په وېشل شویو مرستو کې هرې کورنۍ ته یوه بوجۍ اوړه، وریجې، غوړي، لوبیا او چای شامل وو.
د لوګر دکرنې ریاست چارواکي وایي، هلې ځلې کوي چې د خیره بنسټونو په مرسته نورو اړمنو کورو سره هم مرستې او همکارۍ وکړي.
