میدان وردګو ولایت کې پر یوشمېر بڼوالو کیمیاوي سرې ووېشل شوې
د میدان وردګو ولایت دکرنې، اوبولګولو او مالدارۍ ریاست د سولې بنسټ د کرنیزو محصولاتو د بازار مندنې پروژې (ROP/AMP) په همکارۍ ددې ولایت د مرکز او دغه راز د نرخ او جلریز ولسوالیو پر هغو بڼوالو کیمیاوي سرې وېشلي دي، چې تر دې مخکې ورته دمېوو بڼونه جوړ شوي دي.
په دې لړۍ کې هر بڼوال ته ۵۰ کیلو یوریا او ۲۵ توره سره ورکړل شوي دي.
باید وویل شي، چې یاده مؤسسه په پام کې لري، چې ددې مؤسسې د بڼوالو ګروپونو جوړولو، د شنوخونو لومړنۍ سروې، په متراکمو بڼونوکې د پایو نصبول، د فصل اړوند دکرنیزو افتونو کنټرول، د بڼونو د تنظیمولو روزنیز پروګرامونه، بڼوالو ته لازمې لارښوونې او د ساحوي ښوونځیو جوړولو په پار سروې په لار واچول شي.
