د پکتیا دکرنې رییس: د پکتیا د بزګرانو او مالدارانو ستونزو ته ځانګړې پاملرنه ووشي
۲۴ وږی ۱۴۰۱ه.ش
۱۸ صَفَرالمظفّر ۱۴۴۴ ه.ق
د کرنې، اوبولګولو او مالدارۍ وزارت سرپرست وزیر مولوی عطاء الله عمري او د یاد وزارت دکرنې او مالدارۍ مرستیال مولوی صدراعظم د پکتیا دکرنې رییس الحاج مولوی عبدالرؤف سعید او چاروکو سره په دې ولایت کې د بزګرانو او مالدارانو د ستونزو او ننګونو په پار خبرې وکړې.
په پیل کې، ښاغلي سعيد نوي وزير ته د دندې مبارکي وويله او ترڅنګ یې، د پکتيا ولايت د بزګرانو او مالدارانو ستونزې او وړانديزونه هم شريک کړل او د کرنې له وزير او مرستيال سره د پکتيا ولايت د کرنې او مالدارۍ په پراختيا مفصلې خبرې وکړې.
ښاغلي سعيد د کرنې وزارت له مسولينو وغوښتل، چې په پکتيا کې د کرنې په برخه د بزګرانو ستونزو ته په کتو ځانګړی پام وکړي.
په همدې حال کې دکرنې وزارت سرپرست وزیر او مسلکي مرستیال وویل، چې د بزګرانو او مالدارانو ستونزو ته په کتو هلې ځلې کوي، چې په ټول هېواد کې د دوی ستونزې هوارې او له دوی سره مرستې او همکارۍ وکړي.
