دننګرهار دکرنې رياست: د ګردي کڅ کلي دعمومي سربند د بيارغونې چارې پيل شوې
۱۷ وږی ۱۴۰۱ه.ش
۱۱صَفَرالمظفّر ۱۴۴۴ ه.ق
دننګرهار د کرنې، اوبولکولو او مالدارۍ رياست وايي چې د اکشن ايډ مؤسسې په همکارۍ د بهسود ولسوالۍ د ګردي کڅ کلي عمومي سربند چې څه موده مخکې يي سروي ترسره شوي وه، د بیا رغونې چارې يي پیل شوي دي.
د یاد سربند د بیا رغونې چارې دننګرهار د کرنې ریاست اړوند د بهسود ولسوالۍ د کرنیزو خدمتونو مدیریت سره په همغږۍ د اکشن آیډ مؤسسې لخوا پیل شوي، د کرنیزو خدمتونو د مسؤل په وینا د یاد سربند د ۲۶ متره دیوال د جوړېدو تر څنګ به عمومي ویالي هم پاکې شي.
ده زیاته کړه چې خلکو ته د کار د زمینې برابرولو تر څنګه به کروندګر په اسانې سره د اوبخور اوبو ته لاس رسي پیدا کړي.
د ګردی کڅ کلي مشران د یادې پروژې د تطبیق څخه خوښ دي او د مسؤلینو څخه د ورته نورو پرمختیايي پروژو د تطبیق غوښتنه کوي.
