ننګرهار کې د څارويو د خونديتوب په پار هلې ځلې
۲۰ زمری ۱۴۰۱ه.ش
۱۳ محرم الحرام ۱۴۴۴ ه.ق
د ننګرهار د کرنې، اوبولګولو او مالدارۍ رياست د دې ولايت د حصارک ولسوالی د کرنیزو خدمتونو مدیریت د مالدارۍ څانګې متخصصینو له خوا د یادې ولسوالی یو شمېر کلیو کې څارویو ته د ناروغيو د مخنیوي په موخه تقویتي درمل تطبیق شول.
دا په داسي حال کې تطبیق کېږي، چې ددې ولايت په یو شمېر ولسوالیو کې د څارویو د پوستکي د پړسوب ویروسي ناروغي خپره شوې ده.
د ننګرهار د کرنې، اوبولګولو او مالدارۍ رياست هڅه کوي تر څو ددې ولايت په ټولو ولسواليو کې د څارویو د پوستکي د پړسوب ویروسي ناروغي کنټرول کړي.
