د ننګرهار د کانال رياست د خُرما حاصلات ډېرشوې

۶ زمری ۱۴۰۱ ه‍.ش
۲۹ ذوالحجَّة ۱۴۴۳ ه‍.ق

د ننګرهار دکانال ریاست وايي، چې د ياد رياست اړوند د خُرما «کجورو» بڼ حاصلات ډېر شوي دي.
د ننګرهار کانال رياست د خُرما په بڼ کې شپږ ډوله خُرما شتون لري چې تر يوې مياشتې به بازارته وړاندې شي.
د کرنې وزارت له برنامو څخه یو هم د خُرما ونو پالل، روزل او بڼوالو ته پېژندل دي. دغه وزارت بڼوالو ته د خُرما ونو دکرکېلي لارې چارې ښیي.
خرما تر ډېره په ګرمو سیمو کې وده کوي د ننګرهار بټي کوټ او ددې ولایت یو شمېر نور ولسوالۍ د خرما نو لپاره مناسب اقلیم لري.
په یوشمېر ولایتونو کې د کرنې وزارت له خوا په ازمایښتي ډول د خرما بڼونه جوړې شوي دي.
هلمند، فراه، کندهار، لغمان او ننګرهار د خُرما پالنې لپاره مناسب اقلیم لري.
ننګرهار په ټوله کې حاصل خیزه سیمه ده د نارنج له ونو تر زیتونو هغو ښه پایله ورکړې که د خُرما تجربه هم وشي د دې سیمې اقتصادي مټ ورسره لا غښتلی کېدای شي.