د ننګرهار کامې ولسوالی کې تاریخ تېر حیواني درمل راټول شول

د ننګرهار دکرنې، اوبولګولو او مالدارۍ ریاست وایي، چې ددې ولایت د کامې په ولسوالی کې د حیواني درمل پلورونکو څارنه او کنټرول په موخه پلاوی ټاکل شوې وه، چې د یاد پلاوي له خوا ددې ولسوالی د حیواني درمل پلورونکو هټیو څخه څارنه او کنټرول تر سره شوه.
ددې څارنې او کنټرول موخه د بې کیفیته او تاریخ تېرو درملو د پلور مخنیوي، په خپل سر د هټیو پرانیستل، او د غیر قانوني درملو د واردولو مخنیوی دی.
ددې څارنې په پایله کې یوشمېر هغه هتۍ چې، د فعالیت جواز یې نه درلودل، مهر او لاک او یوه اندازه تاریخ تېر درمل ورڅخه راټول شول او اړوندو کسانو ته سپارښتنه وشوه، چې په راتلونکې کې د غیر معیاري هټیو پرانیستلو او د بې کیفیته درملو د پلور او واردولو څخه دې په کلکه ډډه وکړي.
د ننګرها ردکرنې ریاست هلې ځلې کوي، چې د غوره چوپړتیاوو په وړاندې کولو سره په دې ولایت کې د کرنې او مالدارۍ پراختیا ته زمینه برابره کړي.