جلوگیری از غصب زمینهای دولتی در ولایت غور
۱۵ سرطان ۱۴۰۱ هـ.ش
ریاست زراعت، آبیاری و مالداری ولایت غور از غصب زمینهای حریم سرک شاهراه عمومی کابل غور واقع ساحه پوزلیچ در شهر فیروز کوه جلوگیری نمود.
در این برنامه ادارات زراعت، شاروالی، اراضی، قوماندانی امنیه و مجاهدین امارت اسلامی افغانستان اشتراک داشتند.
مسوولان ادارات شامل به مردم ساحه دیدار و در باره زمین های دولتی پیام امیرالمؤمنین حفظه الله را شریک ساختند، که در آن ذکر گردیده بود هیچ شخص نباید در زمین های املاکی یا دولتی آبادی و کشت نماید.
همچنان حریم سرک شاهراه عمومی کابل- غور که در آن جدیدن آبادی صورت گرفته بود، تخریب گردید و متخلفین دستگیر گردیدند.
